“Dayanıqlı inkişaf üçün ekoloji təhsil” layihəsi uğurla reallaşdırılır

“Dayanıqlı inkişaf üçün ekoloji təhsil” layihəsi uğurla reallaşdırılır Təhsil Nazirliyi və BMT-nin Uşaq Fondu (UNICEF) arasında “2016-2020-ci illər üçün Azərbaycan Hökuməti-UNICEF Əməkdaşlıq Proqramı” çərçivəsində imzalanmış “2018-2019-cu illər üçün Təhsil proqramı üzrə Dövri Fəaliyyət Planı”na müvafiq olaraq “Dayanıqlı inkişaf üçün ekoloji təhsil” layihəsi reallaşdırılır.
Layihə çərçivəsində bu qurumun Respublika Uşaq-Gənclər İnkişaf Mərkəzi tərəfindən Bakı şəhərinin uşaq-gənclər inkişaf mərkəzlərində ekologiya sahəsi üzrə çalışan metodist və dərnək rəhbərlərinə təlimlər keçirilib.
Təlimlər “Müxtəlif yaş qrupları üzrə ekoloji biliklərin artırılmasında yeni metodlar”, “Dayanıqlı inkişaf məqsədləri və ekoloji maarifləndirmə”, “Məktəbdənkənar təhsilin inkişafinda praktiki bacarığın artırılması” mövzularında təşkil olunub. Sonda iştirakçılara sertifikatlar verilib.
Layihənin növbəti mərhələsində ekoloji problemlərə ictimai diqqətin artırılması məqsədi ilə VI-IX sinif şagirdləri arasında qısametrajlı film müsabiqəsi qaliblərinin mükafatlandırılması mərasiminin təşkili planlaşdırılır.

Mətbuat Xidməti

Oxşar xəbərlər