Venesuela Milli Məclisi ölkədə inqilaba cəhd edən müxalifət lideri Xuan Quaydonun deputat toxunulmazlığını ləğv edib. Bu barədə parlamentin nümayəndəsi Diosdado Kabelio bildirib.
“Xuan Quaydonun toxunulmazlığı qanun çərçivəsində məhdudlaşdırıldı”, - deyə D. Kabelio açıqlayıb.
Müxalifət lideri isə Milli Məclisin onun toxunulmazlığını ləğv etməyə heç bir hüquqi əsası olmadığını söyləyib: “Siz rejimin necə davrandığını bilirsiniz – bu, artıq yalnız təqib deyil, bu, inkvizisiyadır”.
Xatırladaq ki, Vensuela hökuməti X. Quaydoya 15 il müddətinə hökumətdə vəzifə tutmaq qadağası qoyub. O isə 6 apreldə prezident Nikolas Maduroya qarşı “Azadlıq əməliyyatı” keçirəcəyini açıqlayıb.

Tehsil-press.az