“Çelsi” klubunun hücumçusu Oliviye Jiru UEFA Avropa Liqasının Bakıda təşkil olunan final oyununda rekorda imza atıb.
32 yaşlı fransalı futbolçu “Arsenal”a qarşı keçirilən görüşün 49-cu dəqiqəsində rəqib qapısına yol tapıb və bu, onun cari mövsümdə 11-ci qolu olub. Bu göstərici ilə O. Jiru bir avrokubok mövsümündə ən çox qol vuran fransız futbolçu adını qazanıb.
Beləliklə, o, “Nyukasl”ın əfsanəsi Alan Şirerin UEFA Kubokunun 2004/05 mövsümündə 11 qol rekordunu təkrarlayıb.
Qeyd edək ki, Bakıda təşkil olunan görüşdə “Çelsi” komandası “Arsenal”ı 4:1 hesabı ilə məğlub edərək UEFA Avropa Liqasının 2018-2019-cu il mövsümünün qalibi olub.

Tehsil-press.az