“Azərbaycan Dillər Universitetinin Nizamnaməsi” təsdiqlənib

“Azərbaycan Dillər Universitetinin Nizamnaməsi” təsdiqlənib Baş Nazir Novruz Məmmədov “Azərbaycan Dillər Universitetinin Nizamnaməsi”nin təsdiq edilməsi haqqında Qərar imzalayıb.
Qərar “Publik hüquqi şəxslər haqqında” Azərbaycan Respublikasının 2015-ci il 29 dekabr tarixli 97-VQ nömrəli Qanununun tətbiqi barədə” Azərbaycan Respublikası Prezidentinin 2016-cı il 3 fevral tarixli 759 nömrəli Fərmanının 2.6.1-ci yarımbəndinin icrasını təmin etmək məqsədilə imzalanıb.
Qərara əsasən, Təhsil Nazirliyi Azərbaycan Dillər Universitetinin “Hüquqi şəxslərin dövlət qeydiyyatı və dövlət reyestri haqqında” Azərbaycan Respublikasının Qanununa uyğun olaraq zəruri tədbirlər görülməsini təmin edəcək.
Qeyd edək ki, Nizamnamədə universitetin fəaliyyətinin məqsədi və istiqamətləri, vəzifələri və hüquqları, idarə olunması, nizamnamə fondu, əmlakı və maliyyə fəaliyyətinin əsasları, universitetdə uçot və hesabat, universitetin yenidən təşkili və ləğv edilməsi kimi müddəalar əksini tapıb.

ADA-nın Mətbuat Xidməti

Oxşar xəbərlər