Hazırda dünyanın mübarizə apardığı koronavirus (COVID-19) pandemiyasının təsirini azaltmaq və ondan qorunmaq məqsədilə ADA Universitetinin tələbələri və əməkdaşları “Evdə qal” sosial təcrid qaydalarına əməl edirlər.
Təhsilini onlayn rejimdə davam etdirən tələbələrin tədrisdən geri qalmaması üçün ADA Universitetinin müəllimləri hər cür fədakarlıq göstərir, idarə heyəti mütəmadi videoiclaslar təşkil edir.
ADA Universiteti “AHK Azerbaijan” (The German-Azerbaijani Chamber of Commerce) tərəfindən ötürülən #EvdəQal çağırışını qəbul edərək, fəaliyyətini evdən davam etdirən əməkdaşlarının fotolarını paylaşır və dəyərli dostları “Nar”, “Azərkosmos”, “AzerGold” QSC və “Deloitte” komandasını #EvdəQal təşəbbüsünə qoşulmağa dəvət edir.
Yenidən əvvəlki günlərimizə qayıtmaq, kampusumuzda növbəti dərsə tələsən tələbələrimizi görmək və pozitiv kollektivimizlə görüşmək üçün biz #evdəqaldıq.
Gəlin, evdə qalaq, məsuliyyətli davranışımızla hər birimizin sağlamlığını qoruyaq və digərlərinə də nümunə olaq!

Tehsil-press.az