Misirdə son sutka ərzində koronavirusa yoluxanların sayı 720 nəfər artıb. Bu, xəstəliyin yayılmağa başlamasından indiyədək ölkədə qeydə alınan ən yüksək göstərici olub (daha əvvəlki rekord göstərici mayın 19-da qeydə alınmışdı - 535 nəfər).
Bu barədə Səhiyyə Nazirliyinin rəsmi nümayəndəsi Xalid Mücahid məlumat verib. Bununla da Misirdə koronavirusa yoluxanların ümumi sayı 13 484-ə yüksəlib.
Son 24 saat ərzində daha 14 nəfər xəstəliyin qurbanı olub. Nəticədə ölkədə koronavirusdan ölənlərin sayı 659-a çatıb.
Bundan əlavə, indiyədək 3 742 pasiyent sağalıb (son sutkada 302 nəfər) və xəstəxanalardan evə buraxılıb.

Tehsil-press.az