ADU-nun Konfutsi İnstitutu Çin mədəniyyəti üzrə tədbir keçirib

ADU-nun Konfutsi İnstitutu Çin mədəniyyəti üzrə tədbir keçirib Azərbaycan Dillər Universitetinin (ADU) nəzdində fəaliyyət göstərən Konfutsi İnstitutu "Çini tanı" onlayn layihəsi çərçivəsində Sumqayıtdakı 42 saylı orta məktəbinin şagirdləri üçün Beynəlxalq Zərgərlər Gününə həsr olunmuş "Yəşim (nefrit) - Çin daşların padşahıdır" adlı tədbir keçirib.
Konfutsi İnstitutunun direktoru Rafiq Abbasov Çin mədəniyyətinin nadir rəmzi sayılan əjdaha və pionu ilə yanaşı, nefritin əhəmiyyətindən bəhs edib. “Dahi Konfutsi belə hesab edirdi ki, nefritdə yüksək insani ləyaqətlər - xeyirxahlıq, ədalət, mərdlik, həqiqət, inam, sədaqət, əxlaq və müdriklik təmsil olunub. Buna görə də Çinin insanın mənəvi keyfiyyətləri ilə bağlı bir çox atalar sözləri məhz nefritlə bağlıdır”, - deyə R.Abbasov bildirib.
ADU-nun Konfutsi İnstitutunun əməkdaşı Nigar Qocayeva məktəblilərə Günəş, birləşmiş Çin və ali hakimiyyətin rəmzi olan, həmçinin rifah və ölümsüzlük gətirən şəfaverici xüsusiyyətlərə malik nefrit barədə əfsanələrdən danışıb. O qeyd edib ki, nefritə dair oyma sənəti Çinin qədim tətbiqi sənət növlərindən biridir. Nefritdən təkcə bəzək əşyaları, dekorativ əşyalar, ənənəvi zınqırovlar deyil, həm də Çin məbədləri üçün Buddha heykəlləri də hazırlanıb.

Tehsil-press.az



Oxşar xəbərlər