“Distant təhsildə çağırışlar və nailiyyətlər” konfransı başa çatıb

“Distant təhsildə çağırışlar və nailiyyətlər” konfransı başa çatıb Təhsil Nazirliyinin dəstəyi, Təhsil İnstitutunun və “T-Network” təhsil işçilərinin təcrübə və kommunikasiya platformasının təşkilatçılığı ilə keçirilən “Distant təhsildə çağırışlar və nailiyyətlər” konfransı başa çatıb.
Konfransın “Azərbaycanın distant təhsil təcrübəsi” adlı panel müzakirəsində Təhsil Nazirliyinin Elm, ali və orta ixtisas təhsili şöbəsinin müdiri Nicat Məmmədli, Təhsil İnstitutunun direktoru Rüfət Əzizov və Təhsil Sisteminin İnformasiyalaşdırılması idarəsinin Ümumi şöbəsinin müdiri Fidan Nəcəfova çıxış ediblər.
“Məsafədən təhsil dövründə ali və orta ixtisas təhsili müəssisələrinin təcrübəsi” adlı sessiyada Təhsil İnstitutunun Elmi-pedaqoji tədqiqatlar mərkəzinin direktoru İlham Cavadov və Təhsildə strateji tədqiqatlar şöbəsinin müdiri Könül Abaslı məruzə ediblər.
Konfransda, həmçinin “Distant təhsildə öz-özünə öyrənmə və ömürboyu təhsil meyilləri” adlı sessiyada ADA Universitetinin müəllimi Ramil Mustafayevin, “Ali və orta ixtisas təhsili müəssisələrinin pedaqoji heyəti üçün distant təhsilin təşkili ilə bağlı metodik vəsait”in təqdimatı ilə Təhsil İnstitutunun Təhsildə innovasiyalar şöbəsinin baş mütəxəssisi Həsən Əlili və aparıcı mütəxəssisi Əli Tağıyevin çıxışları olub.
“Distant təhsildə keyfiyyət təminatı” adlı panel müzakirəsində Təhsildə Keyfiyyət Təminatı Agentliyinin Keyfiyyət təminatı departamentinin direktoru İlham Hümbətov və Bakı Mühəndislik Universitetinin Distant təhsil və keyfiyyətin təminatı mərkəzinin direktoru Cəmil Məmmədov, “Ənənəvi təhsildən distant təhsilə keçid: Azərbaycan Dövlət İqtisad Universitetinin (ADİU) təcrübəsi” sessiyasında ADİU-nun rəqəmsallaşma üzrə prorektoru Raqif Qasımov məruzə ediblər.
“Rəqəmsal öyrənmə platformalarının imkanları və məhdudiyyətləri: ADA Universitetinin təcrübəsi” sessiyasında ADA Universitetinin Tədris işləri şöbəsinin müdiri və “Blackboard” öyrənmə platformasının tətbiqi üzrə layihə rəhbəri Samirə Rəsulovanın, “Virtual beynəlxalq təcrübə” sessiyasında ADA Universitetinin Qlobal tərəfdaşlıq və mübadilə proqramları ofisinin rəhbəri Milana İbrahimovanın məruzələri dinlənilib.
“Elektron öyrənmə platformalarının bazarda artan rolu” adlı panel müzakirəsində Təhsil İnstitutunun Təhsildə innovasiyalar şöbəsinin müdiri Abutab Abbasova, “Safavy.org” onlayn təhsil platformasının həmtəsisçisi və direktoru Könül Quliyeva, “Khan Academy Azərbaycanca”nın rəhbəri Leyla Qasımova və “Microsoft Azerbaijan”nın təhsil həlləri üzrə mütəxəssisi Emin Axundov çıxış ediblər.
“Distant təhsildə tələbələr” adlı panel müzakirəsində “Bir könüllü” Tələbələrin Əməkdaşlığı İctimai Birliyinin sədri Elnur Mirzəzadə, Azərbaycan Tələbə Gənclər Təşkilatları İttifaqının sədri Pərviz Mirələmli, “Erasmus” Tələbə Şəbəkəsinin Azərbaycan üzrə milli prezidenti Ramiyyə Şahgəldiyeva, “Distant təhsildə uğurlu dünya təcrübəsi və onun Azərbaycanda mümkün tətbiq perspektivləri” adlı panel müzakirəsində isə “edX” öyrənmə platformasının qlobal biznesin inkişafı üzrə direktoru Con Şvarts və Çankaya Universitetinin Elm və ədəbiyyat fakültəsinin dekanı Buket Akkoyunlu məruzə ediblər.
Bundan əlavə, konfrans çərçivəsində keçirilən “Distant təhsil və pedaqogika” təlimi ADA Universitetinin baş müəllimləri Ülviyyə Mikayılova və Samirə Hacıyeva tərəfindən aparılıb.
Konfrans 900-ə yaxın iştirakçını əhatə edib.

Tehsil-press.az


Oxşar xəbərlər