Bakıda keçiriləcək Böyük Dəbilqə turnirinin medalları hazırdır.
Bu haqda Azərbaycan Cüdo Federasiyası məlumat yayıb.
Bildirilib ki, medalların ön tərəfində yarışın loqosu, Azərbaycanın xəritəsi, yarışın tarixi və adı həkk olunub. Medalın arxa hissəsində isə Beynəlxalq Cüdo Federasiyasının (BCF) loqosu yer alıb.
Qeyd edək ki, turnir 4-6 noyabr Heydər Əliyev adına İdman Arenasında keçiriləcək yarışda cüdoçular 14 dəst medal uğrunda mübarizə aparacaqlar.

Tehsil-press.az