Kral III Çarlzın mayın 6-sı tacqoyma mərasimində əyləşmək istədiyi 700 illik kresloda ciddi bərpa işləri aparılır.
Tacqoyma kürsüsü kimi tanınan qədim taxt əsrlər boyu ingilis tac mərasimlərində istifadə olunub.
VIII Henrix, I Karl, Kraliça Viktoriya və mərhum Kraliça II Elizabetin tac mərasimlərində istifadə olunan palıd kreslonun təxminən 1300-cü ildə hazırlandığı güman edilir. Qızıl yarpaqla örtülmüş stul rəngli şüşələrlə, həmçinin I Edvardın ustad rəssamı tərəfindən çəkilmiş quşların, yarpaqların və kralın naxışları ilə bəzədilib.
Qeyd edək ki, kürsü sonuncu dəfə 18-ci əsrdə yenilənib.

Tehsil-press.az