Premyer Liqasının XXIX turu çərçivəsində “İnter” – AZAL görüşü keçirilib.
“İnter Arena”da keçirilən bu görüşdən əvvəl futbolçular meydana əsgər formalarında olan uşaqlarla və “Şəhidlər ölməz, vətən bölünməz” pankardı ilə çıxıblar.
Oyundan öncə şəhidlər 1 dəqiqəlik sükutla yad edilib. Maraqlıdır ki, görüşdə yeganə qolu da şəhid oğlu vurub. Belə ki, I Qarabağ müharibəsində şəhid olmuş Ərşad Nadirovun oğlu Vüqarın 64-cü dəqiqədə vurduğu qol “İnter”ə qələbə qazandırıb. Vüqar Nadirov qol sevincini əsgər salamı etməklə qeyd edib.



tehsil-press.az