AMEA-nın Rəyasət Heyəti aparatının Elm və təhsil şöbəsinin müdir müavini fəlsəfə üzrə fəlsəfə doktoru Vüsal Zülfüqarov YAP Yasamal rayon AMEA Rəyasət Heyəti üzrə ilk ərazi partiya təşkilatının sədri seçilib.

Vüsal Rəhman oğlu Zülfüqarov 30 iyun 1984-cü ildə Bakı şəhərində anadan olub. 2000-2004-cü illərdə Bakı Dövlət Universitetinin (BDU) bakalavr, 2004-2006-cı illərdə BDU-nun magistratura pilləsində təhsil alıb.

AMEA-nın Fəlsəfə və Sosiologiya İnstitutunda əyani doktorantı kimi 2012-ci ildə fəlsəfə doktorluğu dissertasiyası müdafiə edərək fəlsəfə üzrə fəlsəfə doktoru elmi dərəcəsini alıb.

2010-cu ildən etibarən AMEA Rəyasət Heyətinin aparatında müxtəlif vəzifələrdə işləyir. Hazırda Elm və təhsil şöbəsinin müdir müavinidir. 30-dən artıq elmi əsərin, o cümlədən 2 kitabın müəllifidir. Beynəlxalq konfranslarda dəfələrlə AMEA-nı təmsil edib.

2023-cü ildə “Heydər Əliyev İli” ilə əlaqədar və partiyada ictimai-siyasi fəaliyyətinə görə YAP Yasamal Rayon Təşkilatının Fəxri fərmanı ilə təltif olunub.

Ailəlidir, 2 övladı var.

Tehsil-press.az