“Ermənistan mallarının Azərbaycan ərazisindən tranzitini təşkil etmək olar”.

Bunu Ermənistanın xarici işlər naziri Ararat Mirzoyan deyib.

O, Ermənistan-Azərbaycan sərhədinin delimitasiyası prosesində irəliləyiş olduğunu qeyd edib. Mirzoyan bildirib ki, bu, Azərbaycanla münasibətlərin normallaşması prosesində müsbət xəbər hesab oluna bilər.

“Sərhəd var və biz onun harada olduğunu bilirik. Bu, 1991-ci il Alma-Ata Bəyannaməsi ilə müəyyən edilir. Bununla da inzibati sərhədlər dövlət sərhədlərinə çevrilir. Təbii ki, iki ölkənin komissiyaları gələcək delimitasiya və dəqiq demarkasiya üzərində birgə işləməlidirlər”.

Mirzoyan kommunikasiyaların açılması məsələsinə də toxunub.

“Ermənistan və Azərbaycan hər iki tərəf üçün məqbul sayılacaq qərarlar qəbul edə bilər. Biz Ermənistan mallarının Azərbaycan ərazisindən və ya əksinə, Azərbaycan məhsullarının Ermənistan ərazisindən tranzitini təşkil edə bilərik. Birinci mərhələdə dəmir yolu tranzitini bərpa etməyimiz və onu tədricən genişləndirməyimiz mümkündür”.

Tehsil-press.az