Bakı Dövlət Universitetinin (BDU) nəzdində Bakı King Sejong İnstitutu yaradılıb. Bununla bağlı Koreya Respublikasının Kinq Sejonq İnstitutunun Fondu qərar qəbul edib.
Kinq Sejonq İnstitutu Koreya hökuməti tərəfindən 2005-ci ildə yaradılıb və dünyanın 50-dən artıq ölkəsində fəaliyyət göstərir. Əsas məqsədi Koreya dilinin və mədəniyyətinin tədrisi və yayılması, həmçinin müəllimlərin təhsil və informasiya xidməti ilə hərtərəfli inteqrasiya olunmalarına kömək göstərmək olan King Sejong İnstitutu Cənubi Qafqazda ilk dəfə Bakıda yaradılıb.
İnstitutun əməkdaşları koreyalı mütəxəssislərdir. Onlar, eyni zamanda, şərqşünaslıq fakültəsində Koreya dili və ədəbiyyatının tədrisi prosesinə cəlb olunacaqlar.
İnstitutda dərslərin sentyabrda başlanması nəzərdə tutulur.

BDU-nun Mətbuat Xidməti