Azərbaycan Dövlət İqtisad Universitetinin (UNEC) professoru Elnur Sadıqov Polok Dövlət Universitetində bu ali məktəbin maliyyə-iqtisad fakültəsinin magistrlərinə beynəlxalq maliyyə bazarları və bank əməliyyatları fənləri üzrə mühazirə oxuyub.
Tədris qrupunda səkkiz ölkədən iyirmi magistr iştirak edib. Onlar mühazirələrin səviyyəsindən razı olduqlarını bildiriblər.
Polok Dövlət Universitetinin rəhbərliyi UNEC-dən dəvət olunmuş professorun müəyyən edilmiş tələblərə uyğunluğunu xüsusi qeyd edib. Onların fikrincə, UNEC nəinki tələbə və magistrləri ilə dünya tədris sisteminə inteqrasiya olunur, eyni zamanda, aparıcı professorları ilə də bu istiqamətdə səmərəli fəaliyyət göstərir.

UNEC-in Mətbuat Xidməti