Azərbaycan Dillər Universiteti (ADU) oktyabrın 11-də “Nəsimi və intibah ideyaları” mövzusunda keçiriləcək respublika elmi konfransına hazırlaşır.
Dahi şair İmadəddin Nəsiminin 650 illik yubileyinə həsr edilmiş respublika elmi konfransına məqalə qəbulu davam edir. Konfransda “Nəsimi və müasirləri”, “Nəsimi və bəşəri ideyalar” və “Nəsimi hürufizmi dünya ədəbi-fəlsəfi kontekstində” bölmələri üzrə məruzələr dinləniləcək.
Məqalələr orijinal olmalı, konfransın tematikası ilə uyğunluq təşkil etməli və [email protected] elektron ünvanına göndərilməlidir. Məqalələr aşağıdakı qaydalara əsasən tərtib olunmalıdır:
-müəllifin (müəlliflərin) adı, soyadı, ata adı – 12 pt, tünd rənglə (səhifənin yuxarısında sağda);
-təmsil etdiyi müəssisənin adı – 12 pt, tünd rəng;
-məruzənin adı – 14 pt, tünd rəng, ortadan;
-məruzənin həcmi – 5-7 səhifə, (ədəbiyyat siyahısı daxil olmaqla), format–A4, səhifələr nömrələnmir;
açar sözlər (3-5 söz, məruzənin yazıldığı dildə) – 12 pt, tünd rəng;
-məruzənin mətni Times New Roman şrifti, 12 pt ilə çap olunur, yuxarıdan – 3 sm, aşağıdan – 2 sm, soldan –2 sm, sağdan – 2 sm; sətirlərarası məsafə (interval) –1,5 sm.
-ədəbiyyata istinad edilərkən mənbələr kvadrat mötərizədə göstərilir [Əhmədov, 2016, 1-2], ədəbiyyat siyahısı əlifba sırası ilə düzülür.

ADU-nun Mətbuat Xidməti