Azərbaycan Milli Elmlər Akademiyasının akademik Həsən Əliyev adına Coğrafiya İnstitutu ilə Almaniyanın Justus Libix adına Gisen Universitetinin Coğrafiya Departamenti arasında anlaşma memorandumu imzalanıb.
Memoranduma əsasən, hər iki qurum arasında birgə tədqiqat fəaliyyəti, doktorant və tələbələrin, elmi nəşrlər və məlumatların, eləcə də tədqiqat, mühazirə və müzakirələr üzrə heyət üzvlərinin mübadiləsi nəzərdə tutulur.
Sənədi Coğrafiya İnstitutunun direktoru, akademik Ramiz Məmmədov və Gisen Universitetinin Coğrafiya Departamentinin rəhbəri Andreas Dittmann imzalayıblar.

Tehsil-press.az