"2019-2023-cü illər üçün Azərbaycan Respublikasında ali təhsil sisteminin beynəlxalq rəqabətliliyinin artırılması üzrə Dövlət Proqramı” çərçivəsində tələbənin təhsilə necə yanaşması ilə bağlı illik monitorinq keçirilir. Monitorinq elmi rəhbərin rəyi əsasında aparılır.
Bunu “2019-2023 Dövlət Proqramı” İdarəetmə Qrupunun rəhbəri Turan Topalova “Media və təhsil dialoqu” mövzusunda keçirilən təlim-seminarda çıxışı zamanı bildirib.
O əlavə edib ki, bu il xaricdə təhsilini başa vuracaq 12 doktorantın işlə təmin olunması nəzərdə tutulub. Qeyd olunub ki, 12 nəfərdən 4-ü Azərbaycan Tibb Universitetində fəaliyyətini davam etdirəcək. Digər məzunlardan 3-ü ADA Universitetində, 3-ü Xəzər Universitetində, digərləri isə Azərbaycan Dövlət Pedaqoji Universiteti və Azərbaycan Dövlət İqtisad Universitetində işləyəcəklər.

Tehsil-press.az