“Heydər Əliyev İli” çərçivəsində Bakı Slavyan Universitetinin (BSU) Xarici dil müəllimliyi fakültəsinin Praktik rus dili və onun tədrisi metodikası kafedrasında “Heydər Əliyev: Böyük həyatın anları” mövzusunda tədbir keçirilib. Tədbirdə öncə Azərbaycan xalqının Ümummilli Lideri Heydər Əliyevin əziz xatirəsi bir dəqiqəlik sükutla yad edilib.
Kafedranın müdiri dosent Güney Məhərrəmova çıxışında Ulu Öndər Heydər Əliyevin böyük dövlətçilik təcrübəsinin, zəngin siyasi irsinin dərindən öyrənilməsi və gələcək nəsillərə ötürülməsinin vacibliyini vurğulayıb.
Tədbirdə fakültənin rus dili müəllimliyi ixtisasının tələbələri Yelena Hüseynova, Lamiyə Həsənzadə, Səriyyə Məmmədova, Tamilla Məmmədova, Nuranə Hüseynova, Günel Boyadzadə, Nərgiz Zeynallı, Kəmalə Əliyeva, Aysel Həsənova, Zəhra Dadaşova, Aysel Poladova, Lətifə Əhmədova, Səbinə İsmayılova maraqlı slaydların müşayiəti ilə dahi şəxsiyyət, müdrik siyasi xadim Heydər Əliyevin mənalı və şərəfli həyat yolu, çoxşaxəli fəaliyyətində elmə, təhsilə, mədəniyyətə, incəsənətə yüksək diqqət və qayğı göstərməsi barədə geniş məlumat verib, şeirlər səsləndiriblər.
Praktik rus dili və onun tədrisi metodikası kafedrasının baş müəllimi Natiqə İbrahimova və Alman filologiyası kafedrasının dosenti Telman Kazımov tədbirin təşkilinə görə tələbə-gənclərə təşəkkür edərək onlara uğurlar arzulayıblar.

Tehsil-press.az