Bolqarıstan 2023-cü ilin aprel ayında Azərbaycandan 74,8 milyon kubmetr təbii qaz idxal edib, martda bu rəqəm 44,5 milyon kubmetr olub.
Azərbaycandan ölkəyə qaz idxalı əvvəlki ayla müqayisədə 68 faizdən çox artıb.
Apreldə qaz tədarükünün dəyəri martda 30,5 milyon avro ilə müqayisədə 29,9 milyon avro təşkil edib ki, bu da 2 faizdən çox azalma deməkdir.
Qeyd edək ki, Bolqarıstan 2022-ci il oktyabrın 1-də istifadəyə verilən Yunanıstan-Bolqarıstan İnterkonnektoru (IGB) vasitəsilə Azərbaycandan qaz idxalına başlayıb. Bu interkonnektor vasitəsilə qaz tədarükünün müqavilə üzrə həcmi ildə 1 milyard kubmetr təşkil edir. IGB-nin ümumi tutumu 3 milyard kubmetrdir və ildə 5 milyard kubmetrə qədər genişləndirilməsi mümkündür.
Azərbaycan Cənub Qaz Dəhlizinin bir hissəsi olan Trans-Adriatik Boru Kəməri ilə Avropaya qaz ixrac edir. TAP-ın ilkin ötürücülük qabiliyyəti 10 milyard kubmetrdir və ildə 20 milyard kubmetrə qədər genişləndirilməsi mümkündür.

Tehsil-press.az