Almaniyada yanvar-iyul aylarında 175 min 272 adam sığınacaq üçün müraciət edib.
Federal Miqrasiya və Qaçqınlar İdarəsinin (BAMF) açıqlamasına görə, 2023-cü ilin yanvar-iyul aylarında Almaniyaya sığınacaq axtaranların sayı əvvəlki ilin eyni dövrü ilə müqayisədə 78,1 faiz artıb.
Bu ilin yanvar-iyul dövründə sığınacaq üçün 175 min 272 nəfər müraciət etdiyi halda, bu müraciətlərin 13 min 808-i Almaniyada doğulan 1 yaşa qədər uşaqlar üçün edilib.
Sığınacaq müraciətlərində birinci yeri 51 min 692 nəfərlə suriyalılar, ikinci yeri isə 31 min 334 nəfərlə əfqanlar tutub.
Bu il BAMF 153 min 912 sığınacaq müraciətini araşdırıb, onlardan 51,7 faizinə qaçqın statusu verilib.
2022-ci ilin yanvar-iyul aylarında ölkədən sığınacaq üçün müraciət edənlərin sayı 98 min 395 nəfər olub.

Tehsil-press.az