2023-cü il sentyabrın 15-dək Elm və Təhsil Nazirliyi tərəfindən 23, Heydər Əliyev Fondu tərəfindən 17 təhsil müəssisəsinin, ilin sonunadək isə nazirlik tərəfindən 8 təhsil müəssisəsinin açılışı nəzərdə tutulur.
Bu barədə Elm və Təhsil Nazirliyindən məlumat verilib. Bildirilib ki, 2023-cü ilin sonunadək Elm və Təhsil Nazirliyi tərəfindən 14 təhsil müəssisəsinin layihə-smeta sənədlərinin hazırlanması, 25 təhsil müəssisəsinin tikintisinə başlanılması, 13 təhsil müəssisəsinin isə əsaslı təmir və bərpa-gücləndirilməsi işlərinin başlanılması və Heydər Əliyev Fondu tərəfindən 2 təhsil müəssisəsinin təhvil verilməsi nəzərdə tutulub.

Tehsil-press.az