Bursansanın İnegöl rayonunda 8 gündür axtarışda olan Mehmet Çakırın (50) cansız cəsədi meşədə ağacdan asılmış vəziyyətdə tapılıb.

Türkiyə KİV-i bildirir ki, Mehmet Çakırın cənazəsi prokurorluq araşdırmasının ardından ölüm səbəbinin müəyyən edilməsi üçün yarılma üçün Bursa Məhkəmə Tibb Təşkilatının meyitxanasına aparılıb.

Hadisə ilə bağlı məlumatda bildirilir ki, Martın 6-da günorta saatlarında İnegöl rayonunun Yeniceköy səmtindəki evindən çıxan Mehmet Çakır bir daha geri qayıtmayıb. Ailəsi onunla mobil telefonla əlaqə saxlaya bilməyəndə canından qorxduqları Mehmet Çakırın tapılması üçün polisə xəbər veriblər. Axtarış-Xilasetmə, İnegöl İlçe Jandarma Komandanlığı, 50 nəfərlik qrup, AFAD-ın koordinasiyasında Çakır üçün bölgədə axtarış əməliyyatına başlayıb.

Axtarışlar davam edərkən, 8 gün sonra bu gün Çakırın cəsədi vətəndaşlar tərəfindən Yeniceköy Göleti ərazisində ağacdan asılmış vəziyyətdə tapılıb.

Hadisə ilə bağlı İnegöl Respublika Prokurorluğu tərəfindən araşdırma başlanıb.

Tehsil-press.az