Azərbaycan və Ermənistan arasında sülh sazişi BMT-nin İqlim Dəyişikliyi üzrə Çərçivə Konvensiyasının Tərəflər Konfransının 29-cu sessiyasından (COP29) əvvəl imzalana bilər.

“Report” xəbər verir ki, bu barədə bloger Adnan Hüseyn “X”də yazıb.

O bildirib ki, Ermənistan-Azərbaycan sərhədi boyunca demarkasiya olunmuş ərazilərdə tikanlı məftillər çəkilib: “Çətinliklər yaratmağa çalışan bəzi daxili və xarici amillərə baxmayaraq, bu addımlar prosesin müsbət istiqamətdə getdiyini göstərir. Baş verənlər sülhün COP29-dan əvvəl və ya bu müddət ərzində imzalana biləcəyinə dair proqnozları gücləndirir”.

Qeyd edək ki, COP29 noyabr ayında Bakıda keçiriləcək.

Tehsil-press.az