Bakı Dövlət Universiteti (BDU), İslam Əməkdaşlıq Təşkilatı (İƏT) Gənclər Forumunun Avrasiya Regional Mərkəzi, "BDU könüllüləri" təşkilatı və "Əmanət" Şəhid və Qazi Övladlarının Fərdi İnkişafına Dəstək Layihəsinin təşkilatçılığı ilə "Konstitusiya və Suverenlik İli" nə həsr olunmuş tələbələr və şəhid-qazi övladları üçün Yay düşərgəsinin iştirakçıları üçün “Gənclər üçün mövcud imkanlar” mövzusunda təlim keçirilib.

Təlimdə iştirakçılara müxtəlif yerli və beynəlxalq təqaüd proqramları, tələbə mübadilə təşəbbüsləri, gənclər üçün nəzərdə tutulan liderlik və könüllülük proqramları, eləcə də beynəlxalq əməkdaşlıq platformaları haqqında ətraflı məlumat verilib. Gənclərin fərdi təşəbbüslərini reallaşdırmaq imkanları və layihələrin hazırlanması mərhələləri geniş izah olunub. Layihə ideyasının formalaşdırılması, məqsəd və hədəflərin düzgün müəyyənləşdirilməsi, fəaliyyət planının hazırlanması, risklərin qiymətləndirilməsi, büdcənin tərtib olunması və qiymətləndirmə mexanizmləri kimi əsas komponentlər üzərində praktiki nümunələr işlənilib.

Sonda gəncləri maraqlandıran suallar cavablandırılıb və onların ideyaları ilə bağlı müzakirələr aparılıb.

Tehsil-press.az