Mərhum “Pop kralı” Maykl Ceksonun qızı, müğənni Paris Cekson narkotik asılılığının ağır nəticələrindən danışıb.

27 yaşlı ifaçı TikTok platformasında paylaşdığı videoda narkotik istifadəsinin ona vurduğu fiziki zərərləri açıq şəkildə nümayiş etdirib.

Videoda Paris nəfəs almaqda çətinlik çəkdiyini deyib və daha sonra deşilmiş burun arakəsməsini göstərərək səbəbini izah edib:

“Bəli, tam olaraq düşündüyünüz kimidir. Uşaqlar, narkotik qəbul etməyin. Mən heç kimə təbliğ etmirəm, hər kəsin öz yolu var, amma mən bunu tövsiyə etmirəm — narkotiklər mənim həyatımı məhv etdi.”

Paris bildirib ki, yeddi ildən çoxdur bu problemlə mübarizə aparır. Onun sözlərinə görə, arakəsmədəki dəlik o qədər böyükdür ki, hətta burnuna bir parça spagetti soxub irəli-geri hərəkət etdirə bilir. Müğənni qeyd edib ki, plastik əməliyyatdan qorxur, çünki prosedur üçün lazım olacaq ağrıkəsicilər relaps (yenidən asılılıq) riski yarada bilər.

Tehsil-press.az