Stressin aşkar mənfi cəhətləri ilə yanaşı, müsbət tərəfləri də var.

Tehsil-press.az xəbər verir ki, İndiana Biznes Məktəbində aparılmış tədqiqatda stressin müsbət tərəflərindən istifadə etmək bacarığından söz açılır. Ötən əsrin 60-cı illərindən 2004-cü ilədək aparılmış tədqiqata 10000 nəfər könüllü cəlb edilib. İşdə gərginlik dərəcəsini öyrənmək üçün alimlər könüllülərə gün ərzində necə ağır işləmələri, fikri cəmləyin çətinliyi, işlə hədsiz yüklənmə barədə suallar veriblər.
Tədqiqatın müəllifi Erik Qonzales-Mül bildirib ki, əldə edilən məlumatlar işdə stressin əksər hallarda işçilərə mənfi təsir etdiyini göstərir. Lakin şirkət əməkdaşı müəyyən səviyyədə sərbəst qərar qəbul etmək imkanına malikdirsə, bu halda stress faydalı ola bilər. Professor Erik Qonzales-Mül deyib: “Əməkdaşlara öz məqsədlərini dəqiqləşdirməyə, onlara nail olmaq vaxtına və qərar qəbulunun prioritetliyini müəyyən etməyə imkan yaradılarsa, stressin mənfi təsirini tarazlaşdırmaq olar”.

Tehsil-press.az