SOCAR ilə Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyi arasında imzalanmış Əməkdaşlıq Sazişinin icrası ilə əlaqədar “Yaşıl Asan” təşəbbüs qrupunun könüllülərinə 5 saylı Bakı “ASAN xidmət” mərkəzində təlim keçirilib.
Təlimdə şirkətin Ekologiya İdarəsinin əməkdaşları “Tullantıların idarə olunması” və “Enerji səmərəliliyinin artırılması” mövzularında təqdimatlarla çıxış ediblər. Qarşılıqlı fikir mübadiləsi şəraitində keçən təlimdə könüllülərə SOCAR-ın həyata keçirdiyi ekoloji layihələr haqqında ətraflı məlumat verilib. “Yaşıl Asan” və digər birgə layihələr barədə fikir mübadiləsi aparılıb, gələcəkdə əməkdaşlığın davam etdirilməsi qərara alınıb.

Tehsil-press.az