Azərbaycan Milli Elmlər Akademiyası (AMEA) Zoologiya İnstitutunun araxnologiya laboratoriyasının müdiri, biologiya elmləri doktoru Xalid Əliyev “Avropa Nəşr Mətbu Evi”nin mükafat komissiyasının qərarı ilə “Ən yaxşı vətənpərvər tədqiqatçı alim” qızıl medalı ilə təltif olunub.
İnstitutdan tehsil-press.az-a bildiriblər ki, bu mükafat X.Əliyevə istedadlı gənc alimlərin hazırlanmasında səmərəli fəaliyyətinə, Qafqazın arıkimilərin faunasının formalaşması tarixi, arıkimilərin zonalar, landşaftlar üzrə yayılmasının təhlili sahələrində apardığı uğurlu elmi araşdırmalarına, elmi-publisistik kitablarına, gənclərdə vətənpərvərlik hisslərinin aşılanmasında və ölkəmizdə biologiya elminin inkişafında göstərdiyi xidmətlərə görə verilib.



Tehsil-press.az