Türkiyədə hava şarının yerə düşməsi nəticəsində 49 nəfər zərər çəkib. Hadisə bu gün Kappadokiya turizm zonasında baş verib. Güclü küləyin təsiri üç hava şarının yerə sərt eniş etməsinə səbəb olub.

On hava şarından ibarət qrup Avropadan və Çindən turistləri daşımaqla məşğul olub. Qəflətən güclənən külək və aramsız yağış bir neçə hava şarını yerə enməyə məcbur edib. Doqquz turist sınıq xəsarətləri ilə xəstəxanaya çatdırılıblar.
Qeyd edək ki, ötən il Texasda hava şarının düşməsi vaxtı onun səbətində olan 16 nəfər insan həlak olmuşdu.

Təhsil-press.az