ATU cərrahları beynəlxalq konqresdə uğurlarımızdan danışıblar

ATU cərrahları beynəlxalq konqresdə uğurlarımızdan danışıblar Bu günlərdə Türkiyə Cümhuriyyətinin İstanbul şəhərində Bariatrik və Metobolik Cərrahi Video Platformu konqresi keçirilib. Bu konqresdə Azərbaycanı Tibb Universitetinin (ATU) əməkdaşları təmsil ediblər.
Konqresdə Azərbaycan Bariatrik və Metabolik Cərrahlar Dərnəyinin (ABMCA) sədri, ATU-nun I cərrahi xəstəliklər kafedrasının əməkdaşı t.ü.f.d. Taryel Ömərov, II cərrahi xəstəliklər kafedrasının əməkdaşı t.ü.f.d. Elçin Abdinov və III cərrahi xəstəliklər kafedrasının əməkdaşı, həmçinin ABMCA-nın üzvü Aslan Abdullayev iştirak ediblər.
Konfransda Türkiyənin və dünyanın müxtəlif ölkələrindən olan mütəxəssislər iştirak ediblər. Son illər bariatrik cərrahiyyədə, xüsusilə mədəkiçildilmə əməliyyatları zamanı əldə edilən nailiyyətlər haqqında danışılıb, problemlər müzakirə olunub, təcrübə mübadiləsi aparılıb. ATU nümayəndə heyətinin üzvləri Azərbaycanda bu sahədə mövcud olan durum, aparılan uğurlu əməliyyat haqqında konqres iştirakçılarına məlumat veriblər.
Artıq 4 ildir ki, Azərbaycan səhiyyəsində bariatrik cərrahiyyə üzrə ciddi nailiyyətlər əldə olunub. İllər öncə bu sahə ilə məşğul olan həkim-cərrahların sayı çox az olsa da, indi durum dəyişib. Artıq Azərbaycanda, o cümlədən ATU klinikalarında bariatrik cərrahiyyə üzrə dünya səviyyəsinə uyğun şəkildə əməliyyatlar icra olunur.

ATU-nun Mətbuat Xidməti


ATU cərrahları beynəlxalq konqresdə uğurlarımızdan danışıblar

ATU cərrahları beynəlxalq konqresdə uğurlarımızdan danışıblar

ATU cərrahları beynəlxalq konqresdə uğurlarımızdan danışıblar

ATU cərrahları beynəlxalq konqresdə uğurlarımızdan danışıblar

Oxşar xəbərlər