Azərbaycan Dövlət Neft və Sənaye Universiteti (ADNSU) nəzdində startap və innovasiya mərkəzi olan “eazi START” startap təlimləri üçün tələbə qəbulu elan edir.
Təlimlərin əsas məqsədi yaradıcı gənclərin öz ideyalarını layihələndirib kommersiya məqsədli biznes strukturlarına çevirməkdir. Təlimlərdə iştirak pulsuzdur.
2015-ci ilin sonlarında yaradılmış “eazi START” 2016-cı ilin yanvarında ilk təlimlərə başlayıb. Startap məktəbinin inkişafında, təlimlərin həyata keçirilməsi, tələbələrlə işlərin aparılmasında tərəfdaş qurumlar olan “Sikorski Çellenc” (Ukrayna) və “BeNextIT” (İsrail) biznes inkubatorları yaxından iştirak ediblər.
“eazi START” Azərbaycanda startap hərəkatına töhfə vermək, əsasən gənclərin innovativ ideyalarının biznes strukturlara çevrilməsinə dəstək göstərmək məqsədilə fəaliyyət göstərir.
Növbəti təlimlər oktyabrın 24-də başlanacaq.
https://docs.google.com/forms/d/18KwH_mLtSyIU-VxiD1F5SIMmVeco5sD_u5coWS2uyfc/viewform?edit_requested=true linkindən istifadə etməklə qeydiyyatdan keçmək mümkündür.
Əlavə məlumat üçün “eazi START” ofisinə (5-ci mərtəbə) və ya [email protected] ünvanına müraciət etmək olar.

ADNSU-nun Mətbuat Xidməti