Yaponiya ərazisində yerləşdiriləcək ABŞ-ın yeni raketdən müdafiə kompleksləri qonşu ölkələrə, o cümlədən Rusiyaya təhlükə yaratmayacaq.
Belə bir bəyanatla Yaponiyanın müdafiə naziri İtsunori Onodera noyabrın 23-də keçirilən mətbuat konfransında çıxış edib.
Moskvada Rusiya və Yaponiya xarici işlər nazirlərinin görüşü ərəfəsində Rusiya XİN-in bəyanatını şərh edən nazir deyib: “Bu təhlükəsizlik sistemləri vətəndaşlarımızın həyatını və əmlakını qorumaq üçündür. Bu sistemlər qonşu ölkələrə, o cümlədən Rusiyaya təhlükə yaratmır”.
Bəyanatda nazirlərin görüşü zamanı Asiya-Sakit okean regionunda ABŞ-ın yeni raketdən müdafiə komplekslərinin yerləşdiriləcəyi barədə məsələyə toxunulacağı da öz əksini tapıb.

Tehsil-press.az