Şəhidlik zirvəsinə ucalan Vətən övladlarının xatirəsi daim əziz tutulur

Şəhidlik zirvəsinə ucalan Vətən övladlarının xatirəsi daim əziz tutulur Azərbaycan Dövlət Neft və Sənaye Universitetində (ADNSU) 20 Yanvara həsr olunmuş tədbir keçirilib.
Tədbirdə universitetin professor və müəllimləri, 20 Yanvar şəhidlərinin yaxınları iştirak ediblər.
Tədbir təhsil müəssisəsinin şəhid olmuş tələbələrinin - Rahim Babayev, Canpolad Orucov və Ağabəy Novruzbəylinin barelyefləri önündən başlanıb. Şəhidlərin barelyefləri önünə qərənfillər düzülüb, onların xatirəsi yad olunub.
ADNSU-nun rektoru, professor Mustafa Babanlı xalqımızın azadlığı, ölkəmizin müstəqilliyi uğrunda şəhidlik zirvəsinə ucalan Vətən övladlarının xatirəsinin daim əziz tutulduğunu bildirib.
Digər çıxış edənlər də 20 Yanvar hadisələrindən bəhs edib, faciənin qan yaddaşımızdan heç vaxt silinməyəcəyini vurğulayıblar.

ADNSU-nun Mətbuat Xidməti


Şəhidlik zirvəsinə ucalan Vətən övladlarının xatirəsi daim əziz tutulur


Oxşar xəbərlər