Azərbaycan Milli Elmlər Akademiyası Fizika İnstitutunda Bakı-Türk Anadolu liseyinin IX-X sinif şagirdləri qonaq olublar. Görüşdə məqsəd məktəblilərin Fizika İnstitutu ilə tanışlığı, fizika elminə marağın artırılması, bilik və bacarıq səviyyəsinin yüksəldilməsi olub. Şagirdlər İnnovasiya sektorunda quraşdırılan müasir tədqiqat qurğuları və maddi texniki baza ilə tanış olublar. Sektorun rəhbəri, fizika üzrə elmlər doktoru Sədiyar Rəhimovun rəhbərliyi ilə İnstitutun əməkdaşları elmi müəssisənin fəaliyyət istiqamətləri, burada aparılan tədqiqatlar, fizika sahəsində əldə olunmuş yeniliklər haqqında məlumat veriblər. Görüş məktəblilər tərəfindən maraqla qarşılanıb, onları maqarlandıran suallar cavablandırılıb.

Məryəm Rafaelqızı
AMEAFizika İnstitutunun
İctimaiyyətlə əlaqələr şöbəsinin müdiri
(012) 5372365