Çinin Uhan şəhərində meydana çıxan və 5 qitəyə yayılan yeni növ koronavirusa qarşı mübarizə üsullarından başlıcası qoruyucu maskalardır.
171 nəfərin ölümünə səbəb olan xəstəlikdən qorunmaq üçün insanların əksəriyyəti maskalardan istifadə edir. Xüsusilə ictimai nəqliyyatda, insanların sıx olduğu ərazilərdə bu respiratorlar həlledici vasitə sayılır.
Bəs, bu maskalar insanları koronavirusdan qoruyurmu?
Vanderbilt Universiteti Tibb Mərkəzinin açıqlamasına görə, bütün viruslar adi qoruyucu maskadan belə insane yoluxacaq qədər kiçik olur. Ancaq mikroblar məhz maskaların sayəsinə havaya yayılmır.
Viruslar insanlara əsasən öskürək, asqırma yolu ilə havaya yayılan tüpürcəklərdən keçir. Maskalar həmin tüpürcəklərin yayılmasının qarşısını alır.
Oksford Universitetinin alimləri isə koronavirusun yayıldığı dönəmdə maskalardan istifadənin yeganə məntiqli davranış olduğunu bildiriblər. Onların sözlərinə görə, hələlik maskalı və maskasız insanların bu virusa yoluxma faizləri qarşılaşdırılmayıb.
Maskadan əlavə əlləri sabunla tez-tez yumaq lazımdır. Spirtlə əllərin silinməsi də effektiv vasitədir.

Tehsil-press.az