AMEA Memarlıq və İncəsənət İnstitutunda xüsusi karantin rejimi dövründə kitab nəşri sahəsində işlər davam etdirilir.
İnstitutda dünya şöhrətli rəssam, Rusiya Rəssamlıq Akademiyasının vitse-prezidenti, SSRİ Xalq rəssamı, akademik Tahir Salahovun iştirakı ilə keçirilmiş yubiley elmi sessiyasının materialları əsasında “Tahir Salahov-90. Yaradıcılığının əsas mərhələləri” adlı kitab nəşrə hazırlanır. Kitaba AMEA-nın birinci vitse-prezidenti, akademik İsa Həbibbəylinin, Memarlıq və İncəsənət İnstitutunun direktoru, AMEA-nın müxbir üzvü, professor Ərtegin Salamzadənin, elmi işlər üzrə direktor müavini, dosent Xəzər Zeynalovun, Dekorativ-tətbiqi sənət və heraldika şöbəsinin əməkdaşı, dosent Gülrəna Mirzənin, habelə Xalq rəssamı Ağaəli İbrahimovun məqalələri daxil edilib. Hazırda kitab üzərində tamamlama işləri gedir.

Tehsil-press.az