Moskva Dövlət Humanitar İqtisad Universitetinin (MDHİU) ikili diplom proqramına 2020/2021-ci tədris ili üzrə qəbul başlanıb. Proqramda Azərbaycan Dövlət İqtisad Universiteti (UNEC) Rus İqtisad Məktəbinin bütün ixtisasları üzrə I kursu bitirən tələbələri iştirak edə bilər.
Proqrama əsasən, tələbələr I və II kursda Azərbaycan Dövlət İqtisad Universitetində təhsil alır, III kursda MDHİU-da təhsillərini davam etdirirlər. IV kursda isə UNEC-də təhsillərini başa vururlar.
Akademik öhdəliklərini yerinə yetirən tələbələrə mühasibat uçotu ixtisası üzrə Rusiyanın təhsil və kvalifikasiya sənədi - bakalavr diplomu və öz ixtisası üzrə UNEC diplomu veriləcək.
Müraciətlər avqustun 15-dək qəbul olunur.

Tehsil-press.az