Bakı Dövlət Universitetinin (BDU) Mədəniyyət-yaradıcılıq mərkəzi 18 sentyabr - Milli Musiqi Günü və dahi bəstəkar Üzeyir Hacıbəylinin anadan olmasının 135 illiyi münasibətilə bədii-musiqili layihəyə start verib.
Mərkəzin direktoru, Əməkdar incəsənət xadimi Nailə Mirməmmədlinin rəhbərliyi ilə hazırlanan bədii-musiqili layihədə dahi bəstəkar Üzeyir Hacıbəylinin müəllifi olduğu mahnılar, musiqi nömrələri ifa ediləcək.
“Milli mədəniyyətimizin Üzeyir zirvəsi” adlı layihədə həftə ərzində pantomim səhnəcik, videoçarx, rəqs nömrələri də təqdim olunacaq. Musiqili-bədii layihə BDU TV ilə birlikdə hazırlanır.

Tehsil-press.az