“Vikipediya”nın xarici dil bölmələrində Azərbaycanla bağlı məqalələrin yaradılması davam edir. Onlayn ensiklopediyanın yunan dili bölməsində Hacı Zeynalabdin Tağıyev haqqında məqalə yaradılıb.
Diaspor üzrə araşdırmaçı-ekspert Elnur Eltürk məlumat verib. O bildirib ki, məqalə “Vikipediya” təlimçisi Nuray Tanrıverdiyeva tərəfindən yaradılıb. Məqalədə milyonçu Hacı Zeynalabdin Tağıyevin həyatı və xeyriyyəçilik fəaliyyəti haqqında maraqlı məlumatlar verilib.
Qeyd edək ki, N.Tanrıverdiyeva bu günədək yunan dili bölməsində general-mayor Polad Həşimov, Azərbaycanın Milli qəhrəmanları Əlif Hacıyev və Tofiq Hüseynov, Xocalı soyqırımı, Xocalı abidəsi (Berlin), “Ana harayı” abidəsi haqqında ümumilikdə 24 məqalə yaradıb.

Tehsil-press.az