BDU-nun dosenti beynəlxalq simpoziumda çıxış edib

BDU-nun dosenti beynəlxalq simpoziumda çıxış edib Bakı Dövlət Universitetinin (BDU) Tarix fakültəsinin Qədim dünya və orta əsrlər tarixi kafedrasının dosenti Elvira Lətifova Türkiyənin Pamukkale Universitetinin təşkilatçılığı ilə türk dünyasının tanınmış şairi və ozanı Yunus Əmrənin vəfatının 700 illiyinə həsr olunmuş “Türk dünyası Yunus Əmrə” beynəlxalq simpoziumunda iştirak edib.
Simpoziumda Türkiyə, Azərbaycan, Rusiya, Albaniya, Makedoniya, Özbəkistan və Qazaxıstanın müxtəlif elm və təhsil ocaqlarının alimləri məruzələrlə çıxış ediblər.
BDU-nun dosenti Elvira Lətifova simpoziumda “Türk dünyasının tarixi birləşmə nöqtəsi olaraq qədim və orta çağ Qafqazı” mövzusunda çıxış edib. O, topladığı çöl tədqiqat materialları və arxiv sənədləri əsasında türk tayfalarının qədim dövrdə və orta əsrlərdə Mərkəzi Asiyadan Qafqaza, oradan da Anadoluya kütləvi miqrasiyaları, Qafqaz bölgəsində türk tayfalarının yer adları haqqında məlumat verib.

Tehsil-press.az


Oxşar xəbərlər