Türkiyənin Zonguldak Bülent Ecevit Universitetinin rektoru İsmail Hakkı Özölçerin rəhbərlik etdiyi nümayəndə heyəti Azərbaycan Texniki Universitetində (AzTU) olub.
Səfər çərçivəsində qonaqlar rektor Vilayət Vəliyev və əməkdaşlarla görüşüb. Görüş zamanı iki universitet arasında perspektiv əməkdaşlıq istiqamətlərinin müəyyənləşdirilməsi ilə bağlı fikir mübadiləsi aparılıb.
Daha sonra AzTU və Zonguldak Bülent Ecevit Universiteti arasında əməkdaşlıq haqqında memorandum imzalanıb.
Memoranduma əsasən, hər iki universitet birgə layihələrin hazırlanması, tədqiqat işlərinin yerinə yetirilməsi, tələbə-müəllim mübadiləsinin həyata keçirilməsi və digər istiqamətlərdə əməkdaşlıq edəcək.

Tehsil-press.az