Ölkəmizdə işgüzar səfərdə olan Türkiyənin Ankara Universitetinin rektoru professor Necdet Ünüvar martın 11-də Azərbaycan Dövlət Pedaqoji Universitetinin (ADPU) rektoru professor Cəfər Cəfərovla görüşüb.
Görüşdə hər iki universitet arasında qarşılıqlı əməkdaşlıq məsələlərinin vəziyyəti və yeni perspektivlər müzakirə olunub.
Xatırladaq ki, ötən ilin noyabr ayında ADPU-nun rektoru Cəfər Cəfərovun rəhbərlik etdiyi nümayəndə heyəti Türkiyəyə səfər çərçivəsində Ankara Universitetində olub, rektor Necdet Ünüvarla görüşmüşdülər. Görüşdə ADPU ilə Ankara Universiteti arasında akademik əməkdaşlıq protokolu imzalanmışdı.

Tehsil-press.az