
Parisin tam mərkəzində 400 illik kitab satışı ənənəsinə baxmayaraq, açılışı 2024-cü ildə birbaşa Sena çayı üzərində baş tutacaq Olimpiada ilə əlaqədar olaraq təhlükəsizlik məqsədilə ilk dəfə olaraq kitab mağazalarının yeri dəyişdiriləcək. Paris hakimiyyəti kitab köşklərinin təxminən 60 faizini sökəcək.
Səlahiyyətli orqanlar ticarət mağazalarının geri gətiriləcəyini və daşınma zamanı mümkün ziyanın kompensasiya ediləcəyini vəd edirlər, lakin kitab satıcıları bu hərəkətə qəti şəkildə qarşı çıxdılar. Onlar hesab edirlər ki, bu addım sözün əsl mənasında şəhərin simvolunu siləcək və satıcıları qazanc əldə etmək imkanından məhrum edəcək. Səlahiyyətlilər tərəfindən Bastiliya meydanında təklif olunan yeni satış yeri turistlər tərəfindən o qədər də aktiv şəkildə ziyarət edilmir. Eyni zamanda Paris rəsmiləri itirilmiş mənfəətə görə heç bir kompensasiya təklif etmir və köhnə tikililəri sökməklə hədələyir.
2024-cü ildə keçiriləcək Olimpiadanın təşkilatçıları genişmiqyaslı və heyranedici tamaşa vəd edirlər. Açılışda 160 qayıq 10 min idmançını Eyfel qülləsinə çatdıracaq. Üzgüçülük üzrə bəzi yarış növlərinin də Senada keçiriləcəyi gözlənilir. Fransa departamentləri təkcə Olimpiya məşəlinin estafetinə 150 min avro, vergilər nəzərə alınmaqla isə 180 min avro ayırmalıdırlar. 2023-cü ilin yanvar ayında Fransa hökuməti Oyunların dövlət tərəfindən maliyyələşdirilməsini 2,4 milyard avroya qədər artıracağını açıqlayıb.
Tehsil-press.az