Azərbaycan Respublikasının Belarusdakı səfirliyinin təşəbbüsü və dəstəyi ilə ölkədə populyarlığı ilə seçilən və uşaqlar üçün nəzərdə tutulmuş “Səyahətlər dünyası” seriyasından Dmitri Koşevar və Kristina Qobenanın müəllifliyi ilə “Azərbaycan” adlı kitab nəşr edilib.
Yüksəkkeyfiyyətli rəngli şəkillərdən ibarət kitabda Azərbaycan Respublikasının dövlət rəmzləri, qədim tarixi, görkəmli şəxsiyyətləri, mədəniyyəti, zəngin mətbəxi, flora və faunası, qoruq və milli parkları, eləcə də müxtəlif şəhərləri və tarixi abidələri haqqında sadə dildə məlumat verilir.
Kitabda Ulu Öndər Heydər Əliyevin müstəqil Azərbaycanın qurulmasında müstəsna rolu vurğulanır.
Belaruslu oxucuların Azərbaycan haqqında biliklərinin dərinləşdirilməsi məqsədi daşıyan kitabın ilk səhifəsində səfir Ülvi Baxşəliyevin oxuculara müraciəti yer alıb.

Tehsil-press.az