Qanıx çayının Əyriçay məntəqəsində suyun səviyyəsi 132 santimetr artıb

Qanıx çayının Əyriçay məntəqəsində suyun səviyyəsi 132 santimetr artıb Mayın 2-də Böyük Qafqazın Quba-Xaçmaz bölgəsi çaylarında sululuq ongünlük normanın 70-90, Kiçik Qafqazın çaylarında 90-130, Lənkəran-Astara bölgəsi çaylarında isə 30-80 faizini təşkil edib.

Bu barədə Tehsil-press.az-a Ekologiya və Təbii Sərvətlər Nazirliyinin Milli Hidrometeorologiya Departamentindən məlumat verilib. Kür çayının Qıraqkəsəmən məntəqəsində suyun səviyyəsində 12 santimetr azalma müşahidə olunub. Məntəqədə su sərfi saniyədə 430 kubmetr təşkil edib. Ötən günlər ərzində yağan leysan xarakterli yağış nəticəsində Qanıx çayının Əyriçay məntəqəsində isə suyun səviyyəsində 132 santimetr artım qeydə alınıb. Bu məntəqədə su sərfi saniyədə 352 kubmetr olub.
Kür çayının aşağı axınında, eləcə də Araz çayının Novruzlu məntəqəsində də suyun səviyyəsinin əsasən artdığı müəyyən edilib. Hazırda suyun səviyyəsi Kür çayının aşağı axınındakı məntəqələrdə - Surrada 392, Salyanda 203, Bankədə 185, Novruzlu məntəqəsində isə 95 santimetrdir.


Tehsil-press.az

Oxşar xəbərlər