Gürcüstanda parlament seçkilərinin keçirilməsi tələbilə etiraz aksiyaları davam edir.

Bu barədə “RİA Novosti” məlumat yayıb.

Gürcüstanın hakim “Gürcü Arzusu” partiyasının Baş katibi, Tbilisi şəhərinin meri Kaxa Kaladze ölkədə növbədənkənar parlament seçkilərinin keçirilməsinin mümkünlüyünü “absurd” adlandırıb.

“Bu cəfəngiyyat və absurddur. Mən sizə 100 faiz əminliklə deyə bilərəm ki, seçkilər bir neçə ay sonra keçiriləcək. Prezident Mixail Kavelaşvilinin təyin edəcəyi yerli idarəetmə orqanlarına seçkilər. Növbəti parlament seçkilərinə gəlincə isə, onlar qanun çərçivəsində 2028-ci ildə keçiriləcək. Deyilən digər sözlər isə absurd və tamamilə cəfəngiyyatdır”, – Kaladze bildirib.

Qeyd edək ki, Gürcüstanda uzun müddətdir ki, yeni parlament seçkilərinin keçirilməsi tələbi ilə aksiyalar təşkil edilir. Aksiyaya səbəb 2024-cü ilin 28 noyabrında Baş nazir İrakli Kobaxidzenin Avropa İttifaqına üzvlük danışıqlarının dayandırması olub.

Tehsil-press.az