Azərbaycan Dövlət İqtisad Universitetinin (UNEC) Dərbənd filialı regionda iqtisadçı kadrların hazırlanmasında mühüm rol oynayır.
Bu fikir UNEC-in Dərbənd filialında “Qloballaşma şəraitində regionların sosial-iqtisadi inkişafının perspektivləri və problemləri” mövzusunda keçirilən universitetlərarası elmi-praktik konfransda səsləndirilib.
Konfransda Dərbənd filialının direktoru Təranə Abbasova rəhbərlik etdiyi təhsil müəssisəsinin fəaliyyəti barədə məlumat verib.
Sonra maliyyə və maliyyə institutları kafedrasının professoru Elnur Sadıqov “Valyuta bazarı və Azərbaycanın pul-kredit siyasəti” mövzusunda məruzə ilə çıxış edib.
Konfransda regionun sosial-iqtisadi inkişafı ilə bağlı mühazirələr dinlənilib.
Sonda məruzəçilərə diplomlar təqdim olunub.

UNEC-in Mətbuat Xidməti