Azərbaycan Dövlət Neft və Sənaye Universitetinin (ADNSU) beynəlxalq əməkdaşlıq şöbəsinin və Alman Akademik Mübadilə Xidmətinin (DAAD) təşkilatçılığı ilə keçirilən “ADNSU Yay məktəbi - 2018” davam edir.
Avqustun 5-dən başlanan yay məktəbində Azərbaycan və Almaniyadan olan bir qrup tələbə yerli mütəxəssislər tərəfindən keçirilən “Post-neft dövrünün iqtisadiyyatı” mövzusunda mühazirələrə qatılır və eyni mövzuda çıxışlar edirlər.
Yay məktəbi ərzində akademik hissədən başqa iştirakçılar üçün mədəni tədbirlər də həyata keçirilir. İştirakçılar Səngəçal terminalı, Bibiheybətdə dünyada sənaye üsulu ilə qazılan ilk neft quyusunun yerləşdiyi məkanda, İçərişəhərdə, Heydər Əliyev Mərkəzində olub, eləcə də Şəki şəhərinə təşkil olunan ekskursiyada iştirak ediblər.
Yay məktəbi DAAD-ın dəstəyi ilə reallaşdırılıb.

Hüseyn Şərifov