Azərbaycan Dillər Universitetinin (ADU) “SABAH” qruplarının tələbələri üçün AMEA Hüseyn Cavidin ev-muzeyində interaktiv dərs keçirilib.
Elmlə təhsilin inteqrasiyası çərçivəsində keçirilən dərsdə tələbələrə dahi dramaturq, filosof-şair Hüseyn Cavidin həyat yolu, ailə üzvlərinin taleyi və əbədiyaşar zəngin yaradıcılığı haqqında geniş məlumat verilib. Həmçinin görkəmli sənətkarın həyatı və muzeyin zəngin eksponatları barədə tələbələri maraqlandıran suallar cavablandırılıb.
Dərs zamanı tələbələr ədibin şeirlərindən parçalar söyləyiblər.

ADU-nun Mətbuat Xidməti